Bismillahir-RƏHMANİR-Rəhim

    Aləmlərin Allahına həmd olsun, peyğəmbərlərin ən şərafətlisi və peyğəmbərlərin ağası Mühəmmədə, vəsilərin ən fəzilətlisi Əmirül-möminin Əli ibni Əbu Talibə və onun pak övladlarına səlavat və səlam olsun.    Sonra...

Bismillahir-RƏHMANİR-Rəhim    

     Əzəmətli və pakizə Allahın adı ilə başlayıb, onun Peyğəmbərinə və Peyğəmbərin övladlarına sələvat və səlam göndəririk. Quran əcayib bir kitabdır. Bu kitabda insan həyatında mümkün olan hər cür şeyə dair münasib ayələr tapmaq olar. Belə də olmalıdır, çünki Quran insanın həyat Təlimatıdır, həm də elə bir insanın ki, onun əxlaqı və yaşayış tərzi, rəftarı və göftarı onun xilqətinə və yaranma məqsədinə uyğun olsun, onu heyvanatdan fərqləndirsin. Buna görə insana aid olan heç bir söz heç bir məsələ qalmayıb ki, Quran o barədə danışmamış olsun. Əgər insan öz sözləri ilə danışmaqdan imtina etsə, Quran ayələri vasitəsi ilə özünün hər bir məqsədini bildirib, bir ömr bu cür yaşaya bilər. Belə şəxslər olub da.Buradan məlum olur ki, Quran nə qədər geniş əhatəli bir kitabdır.

           Bu kitab Əhmədağa Əhmədovun indiyə qədər çap edilməmiş kitablarının içərisində "Əruzətül-Üruz" sanbalına görə xüsusi yer tutur. 

        Oxuculara təqdim olunan bu kitab, Həzrəti-xətamül-ənbiya-mühəmmədül-Müstəfa, səlləllahu əleyhi vəalihi və səlləm, cənablarının altıncı vəsiysi imam Cəfəri-Sadiq əleyhis-səlamın misbahüs-şəriə adlı kitabın tərcüməsidir.

          Kitabda müvəhhid möminlərin şəri əməllərinin zahiri və batini cəhətdən təhlili verilir, onların həyatına, onun cismani və ruhani aləminə təsiri izah edilir. Hər bir əməlin zahiri cəhəti və şəkli, o əməlin mənəvi və əxlaqi cəhəti ilə əlaqələndirərək insan mənəviyyatında onların əhəmiyyəti aydınlaşdırılır.

        Müəllifin İslam silsiləsindən on ikinci kitabı olan, "Allahın Hüccətləri" adlanan bu əsəri Allah-təalanın bəşəriyyətin ibtidasından bu ğünə kimi insan övladı ücün müqəddər etdiyi həyat qanunlarını-İslam dininin hökmlərini onlara çatdıran Hüccətlərə, şəriət   rəhbərlərinə həsr olunub. 

     Din - yol, tərigə deməkdir. Dinlərin hamısı insanlara ədəb və yaşayış qaydaları öyrədən qaydalardır. Ancaq, onların çoxunu insanlar özləri yaradıb; halbuki insan öz bədən quruluşunu və xilqətinin incəliklərini hələ kamil surətdə bilmir. O, özünə qanun yaza bilməz, onun yaratdığı din nöqsanlı olar. Dünyada yeganə kamil din İslam dinidir, çünki o, insanı yaradan Böyük Xaliq tərəfindən göndərilmişdir; ona görə də insanın xilqətinə və yaşayış tərzinə təmamilə müvafiqdir.

Çox hörmətli istifadəçilərin xahişlərini nəzərə alaraq saytda yükləmə bölməsi yaradılıb.

Hörmətli istifadəçilər Əhmədağa müəllimin dəfn mərasimindən çəkilmiş video fayılları aşağıdakı saytdan yükləyə bilərsiniz.

http://www.boxca.com/echxc2reojtp/defin_merasilmi.3gp.html

BİSMİLLAHİR-RƏHMANİR-RƏHİM 

  Bu zamanlarda Azərbaycan övladlarının bir çoxunun müsəlmanlıqdan xeyli uzaq görürük. Xüsusilə cavan nəsl müsəlman babalardan orta nəsl ilə, yəni atalarla izalə edilib ayrıldığı ücün onlardan nəvələrə hec bir ədəb və din irsi qalmayıb. Atalar nəsli isə elə bir dövrə təsadüf edib ki, babalar onlara müsəlmanlığı təlim etməkdən qorxub, təhsil mərkəzlərində isə nəinki müsəlman dini təlim edilməyib, əksinə, bu dini və digər dinləri "puç və əfsanə" elan ediblər.

“ƏHMƏDAĞA ƏHMƏDOV KİMİ İNSANLAR HƏR ƏSRDƏ BİR-İKİ NƏFƏR OLUR”

 

Maştağa camaatı görkəmli alimlə fəxr edir

Arxada qalan illəri birlikdə yaşamışıq.

 

     Əhmədağa müəllim haqqında bu gün söz demək mənim üçün çətindir. Dayım olmasına baxmayaraq yaş fərqimiz çox böyük olmayıb. Ona görə də arxada qalan illəri birlikdə yaşamışıq.